НОВОСТИ В КЫРГЫЗСТАНЕ
Председатель Кабинета министров Aдылбек Касымалиев одобрил проект Меморандума о взаимопонимании о взаимном признании и обмене водительских удостоверений между Министерством внутренних дел Объединенных Арабских Эмиратов и Государственным агентством по регистрации транспортных средств и водительского состава при Кабинете министров на государственном языке.
Соответствующее распоряжение № 839-р он подписал 25 декабря 2024 года.
Проектом документа предполагается, что каждая сторона для реализации целей меморандума о взаимопонимании признает действительные водительские права, выданные в своей стране гражданами, прибывшими не на постоянное место жительства, при условии, что владелец водительских прав в отношении различных категорий водительских прав, указанных в таблице параграфа 2 меморандума, соответствует минимальным возрастным требованиям, установленным другой стороной.
Бириккен Араб Эмираттарынын Ички иштер министрлиги менен Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттиктин ортосундагы Айдоочулук күбөлүктөрдү өз ара таануу жана алмашуу жөнүндө өз ара түшүнүшүү тууралуу МЕМОРАНДУМ
Кириш сөз
Бириккен Араб Эмираттары тарабынан Ички иштер министрлиги жана Кыргыз Республикасы тарабынан Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттик (мындан ары – биргелешип “Тараптар” жана өзүнчө “Тарап” деп аталуучу),
Тараптардын ортосундагы тыгыз мамилелерге ишенүү менен, экинчи Тараптын аймагына барууда же ошол аймакта жашоодо эки өлкөнүн тиешелүү расмий органдары берген айдоочулук күбөлүктөргө ээ болгон жарандардын кыймылдарын жеңилдетүү үчүн төмөнкүлөр тууралуу макулдашты:
1-параграф. Айдоочулук күбөлүктөрдү таануу
Ар бир Тарап ушул Өз ара түшүнүшүү жөнүндө меморандумдун максаттарын ишке ашыруу үчүн ушул Меморандумдун 2-параграфынын таблицасында көрсөтүлгөн айдоочулук күбөлүктөрдүн ар кандай категорияларына карата айдоочулук күбөлүктүн ээси экинчи Тарап белгилеген минималдуу курактык талаптарга ылайык келген шартта, туруктуу жашоо үчүн эмес келген жарандардын өз өлкөсүндө берилген жарактуу айдоочулук күбөлүктөрүн тааныйт.
2-параграф. Айдоочулук күбөлүктөрдү алмаштыруу
Ар бир Тарап жашоо үчүн келген жарандардын экинчи Тарап берген айдоочулук күбөлүктөрүн алмаштырууга карата тийиштүү теориялык жана практикалык сынактардан арыз ээсин бошотот. Мындай бошотуу транспорт каражаттары үчүн айдоочулук күбөлүктөрдүн төмөнкү таблицада көрсөтүлгөн категориялары менен чектелет:
Бириккен Араб Эмираттары
Кыргыз Республикасы
Категория
Категория
Жеңил автомобилдер: Массасы (бош) 2,5 тоннаны түзгөн жана айдоочунун орундугун кошкондо 14төн ашпаган орундугу бар моторлуу транспорт каражаттары
“В”: Уруксат берилген максималдуу массасы 3500 кг ашпаган, айдоочунун орундугун кошкондо 8ден ашпаган орундугу бар автомобилдер
Таблицада көрсөтүлбөгөн башка категориялар жана чакан категориялар үчүн экинчи Тараптын улуттук мыйзамдарына ылайык келген теориялык жана практикалык сынактар колдонулат.
3-параграф. Алмаштыруу шарттары
Айдоочулук күбөлүктөрдү алмаштыруу үчүн төмөнкүдөй шарттар аныкталат:
1. Айдоочулук күбөлүгүн алмаштырууга берген арыз ээсинин жашоого уруксаты болушу керек.
2. Айдоочулук күбөлүк жарактуу болушу керек.
3. Арыз ээси улуттук мыйзамдарга жана эрежелерге ылайык 2-параграфтын таблицасында көрсөтүлгөн айдоочулук күбөлүктөрдүн ар кандай категориялары үчүн эки Тарап белгилеген минималдуу курактык тараптарга ылайык келиши керек.
4. Алмаштырылууга тийиш болгон айдоочулук күбөлүк белгиленген үлгүлөргө шайкеш келиши керек.
5. Айдоочулук күбөлүктү 2-параграфтын таблицасында көрсөтүлгөн айдоочулук күбөлүктөрдүн эквиваленттүү түрүнө алмаштыруу зарыл.
6. Айдоочулук күбөлүгүн алмаштырууга берген арыз ээси кайсы болбосун сертификацияланган котормо бюросу тарабынан берилген айдоочулук күбөлүктүн легализацияланган котормосун берүүгө милдеттүү.
7. Арыз ээси зарыл медициналык текшерүүдөн өтүүгө милдеттүү.
8. Айдоочулук күбөлүктү алмаштырууда эки Тараптын улуттук мыйзамдарында белгиленген кайсы болбосун башка шарттар аткарылууга тийиш.
4-параграф. Айдоочулук күбөлүктөрдү алмаштыруу
Эки Тараптын тиешелүү компетенттүү органдары алмаштырылган айдоочулук күбөлүк жөнүндө маалыматтарды жана билдирүүлөрдү дипломатиялык каналдар аркылуу экинчи Тарапка берүүгө милдеттенген шартта, арыз ээси өзүнүн улуттук айдоочулук күбөлүгүн сактап кала алат.
5-параграф. Айдоочулук күбөлүктүн жарактуулугу
Алмаштыруу үчүн берилген айдоочулук күбөлүктүн аныктыгы же жарактуулугу жөнүндө күмөн саноолор жаралса, алмаштыра турган компетенттүү орган экинчи Тараптан дипломатиялык каналдар аркылуу ушул айдоочулук күбөлүктүн аныктыгын же жарактуулугун текшерүүнү сурай алат.
6-параграф. Компетенттүү органдар
Өз ара түшүнүшүү жөнүндө меморандумду ишке ашыруу үчүн компетенттүү органдар болуп төмөнкүлөр саналат:
а) Бириккен Араб Эмираттары үчүн:
Ички иштер министрлиги – Транспорт каражаттарын жана айдоочуларды лицензиялоо боюнча федералдык башкы дирекция;
б) Кыргыз Республикасы үчүн:
Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттик.
Ар бир Тарап компетенттүү органдарынын кандай болбосун өзгөрүүлөрү жөнүндө дипломатиялык каналдар аркылуу экинчи Тарапка маалымдайт.
7-параграф. Тиешелүү улуттук мыйзамдарга өзгөртүүлөрдү жана толуктоолорду киргизүү
Ар бир Тарап анын улуттук мыйзамдарына тиешелүү кандай болбосун өзгөртүүлөр же толуктоолор жөнүндө дипломатиялык каналдар аркылуу экинчи Тарапка оперативдүү маалымдайт.
8-параграф. Жөнгө салынышы
1. Ушул Өз ара түшүнүшүү жөнүндө меморандумду колдонуудан келип чыгуучу бардык талаш-тартыштар эки Тараптын ортосунда дипломатиялык каналдар аркылуу сүйлөшүүлөрдү жана консультацияларды жүргүзүү жолу менен чечилет.
2. Ушул Меморандумдан келип чыгуучу талаш-тартыштар кайсы болбосун эл аралык же улуттук мыйзамдар менен жөнгө салынууга тийиш эмес жана улуттук, чет өлкөлүк же эл аралык соттун, арбитраждык трибуналдын же үчүнчү тараптын юрисдикциясына жатпайт.
3. Талаш-тартыш жүрүп жаткан мезгилде Тараптар ушул Меморандумда каралган өзүнүн бардык мурдагы милдеттенмелерин аткарууга милдеттүү.
9-параграф. Күчүнө кириши, өзгөртүлүшү жана токтотулушу
1. Ушул Өз ара түшүнүшүү жөнүндө меморандум ага кол коюлган күндөн тартып отуз (30) күн өткөндөн кийин күчүнө кирет жана белгисиз мөөнөткө чейин күчүндө болот.
2. Ушул Өз ара түшүнүшүү жөнүндө меморандумдун шарттары эки Тараптын жазуу жүзүндөгү өз ара макулдашуусу боюнча өзгөртүлүшү мүмкүн.
3. Тараптардын ар бири ушул Өз ара түшүнүшүү жөнүндө меморандумдун күчүн токтотуу ниети жөнүндө экинчи Тарапка дипломатиялык каналдар аркылуу үч ай мурда жазуу жүзүндө билдирүү жөнөтүү менен ушул Өз ара түшүнүшүү жөнүндө меморандумдун күчүн токтото алат.
4. Өз ара түшүнүшүү жөнүндө меморандумдун күчүн токтотуу ошол күнгө чейин алмаштырылган айдоочулук күбөлүктөрдүн жарактуулугуна таасирин тийгизбейт.
2024-жылдын ___/___________ үч түп нускада, ар бири араб, кыргыз жана англис тилдеринде кол коюлду, мында бардык тексттер бирдей юридикалык күчкө ээ. Көчүрмөлөрдүн ортосунда айырмачылыктар келип чыккан учурда англис тилиндеги көчүрмөнүн жоболору колдонулат.
Бириккен Араб Эмираттарынын ички иштер министри
Кыргыз Республикасынын Министрлер Кабинетине караштуу Транспорт каражаттарын жана айдоочулук курамды каттоо боюнча мамлекеттик агенттиктин директору
#водительские права #объединенные арабские эмираты #оаэ
